Irma Amado (Socia traballadora) Licenciada en Filoloxía Hispánica, DEA pola USC e posgrao da Escola de Llibreria da UB. Estudou tamén Xornalismo na UAB e o Máster de Estudos Comparativos de Literatura, Arte e Pensamento na UPF. Traballou no departamento de xestión cultural do Consello da Cultura Galega e como libreira en La Central (Barcelona). Colabora como lectora para RBA Libros.
Ramiro Ledo (Socio traballador) Licenciado en Xornalismo pola USC e estadía na Université Paris VIII. Posgrao da Escola de Llibreria da UB, Máster en Documental de Creación da UAB e en Estudos de Cinema e Audiovisual Contemporáneos na UPF. Fundador e co-director do Cineclube de Compostela (2001-2007) e da revista de cinema Ariel. Catalogador do arquivo audiovisual de TVE-G e colaborador sobre cinema para distintos medios. É realizador e montador freelance. Os seus filmes víronse en museos, mostras e festivais de todo o mundo, entre eles BAFICI (Buenos Aires), FID Marseille, Courtisane (Gante), Márgenes, S8, Cineuropa, Xcéntric (Barcelona), Las Palmas, IBAFF (Murcia), Antofadocs (Antofagasta), MARCO (Vigo), CCCB (Barcelona) ou Museo Reina Sofía (Madrid).
Pablo Cayuela (Socio traballador) Diplomado en Dirección de Fotografía polo CECC (Barcelona) e certificado Apple en edición e posprodución de vídeo. Estuda Antropoloxía Social e Cultural pola UNED. Traballa como eléctrico e operador de cámara en cinema e televisión, como realizador e montador freelance e como director de fotografía e etalonador. Escribe sobre cinema para distintos medios e traballou no Cineclube de Compostela (2009-2014). En 2012 estreou, xunta Xan Gómez Viñas a súa primeira longametraxe, Fóra, que se puido ver en museos, mostras e festivais de todo o mundo, entre eles CPH:DOX (Copenhague), Museo Reina Sofía (Madrid), Alcances (Cádiz), Documenta (Madrid), Kinomuzeum (Varsovia) ou L’Alternativa (Barcelona).
Antonio Doñate (Socio traballador) Licenciado en Belas Artes pola UPV (Valencia). Deseñador gráfico, especializado desde 2000 en deseño cultural desde o seu estudio Don gráfica. Responsábel gráfico do MARCO (Museo de Arte Contemporánea de Vigo), Festival Sinsal, Imaxinasons. Festival de Jazz de Vigo, Culturgal. Traballa para a Cidade da Cultura de Galicia, CGAC, Museo do Mar de Galicia, Fundación Luís Seoane e as empresas Van Divulgación Cultural e PXC. Deseñador gráfico da Bienal de Arte de Pontevedra (2004-2008), Centro de Artesanía Tradicional de Vigo (2002-2010), Realidade. Ciclo de cine ao aire libre do Concello de Vigo (2003-2009). Desde 2013 ocúpase canda Xosé Carlos Hidalgo do deseño, maquetación e edición gráfica da revista Luzes. É ademáis autor de dúas novelas: La paz social e Acceso al comportamiento, ambas publicadas na editorial Caballo de Troya.
X. Carlos Hidalgo (Socio traballador) Licenciado en Xornalismo pola USC. Cursou o módulo de Composición de Páxina do Posgrao en Tipografía da UAB – Escola Eina (Barcelona). Traballou no estudio de Uqui Permui (2006-2012) e é deseñador gráfico freelance. Publicou crítica literaria e ilustracións para distintos medios e foi membro fundador de Estaleiro Editora. Responsábel da imaxe gráfica de varios filmes, do Cineclube de Compostela desde 2002 e da revista Ariel. Colabora co selo musical Discos da Máquina no deseño de portadas e cartelaría. Desde 2013 ocúpase canda Antonio Doñate do deseño, maquetación e edición gráfica da revista Luzes.
Margarita Ledo (Socia colaboradora) Catedrática de Comunicación Audiovisual da USC, escritora, cineasta e membro da Real Academia Galega. Foi Premio Nacional da Cultura Galega na modalidade de cinema e audiovisual en 2008.
